11 нче сентябрь көнне Элемтә авлнда 9:00 сәгатьтә тиздән төзеләчәк яңа мәчеткә беренче нигез ташы салынса, 11:00 сәгатьтә исә Краснояр авылында мәчет ачылды!

"Мәчет ул авылның йөрәге - мәчет булмаса авыл үлә" Р.Х Муллин Мөслим районы башлыгы Краснояр авылында Габделхәбир” исемендәге мәчет ачылу тантанасы узды. Чарада район башлыгы Рамил Муллин, ТР диния нәзәрәте рәисе урынбасары Рөстәм хәзрәт Хәйруллин, Алабуга шәһәре һәм районы имам –мөхтәсибе Хәлим хәзрәт Шәмсетдинов, авыл халкы катнаштылар. Мәчет салуны оештырган, барлык матди ярдәм күрсәткән Рәшит Хәбиров мәчеткә халык сукмагы бетмәсен иде, халык бирегә килеп дога кылып, үзләренә сихәт алсыннар иде диде үз чыгышында.